انسداد دہشت گردی عدالت کوئٹہ ون نے اغواء و قتل میں ملوث تین ملزمان کو دو دو مرتبہ سزائے موت سنائی گئی

کوئٹہ(ثبوت نیوز) انسداد دہشت گردی عدالت کوئٹہ ون نے اغواء و قتل کیس میں تین ملزمان کو سزائے موت سنادی دو ملزمان کو عمر قید کی سزا سنائی گئی استغاثہ کے مطابق انسداد دہشت گردی کی عدالت ون کے جج عبدالمجید ناصر نے اغواء و قتل کیس میں ملوث تین ملزمان داؤد شہزاد‘ مہدی اور افتخار کو جرم ثابت ہونے پر دو دو مرتبہ سزائے موت سنائی گئی

جبکہ ملزم محمد باقر کو دو مرتبہ عمر قید اور روح اللہ کو سات سال قید کی سزا سنائی گئی سرکاری کی جانب سے کیس کی پیروی محمد زاہد علی خان نے کی پانچوں ملزمان نے 15فروری 2021کو کوئٹہ کے علاقے ہزارہ ٹاؤن سے دس سالہ شیر علی کو اغواء کیا تھا

اور ملزمان نے لواحقین سے تین کروڑ روپے تاوان طلب کیاتھا تاوان نہ دینے پر ملزمان نے16فروری کو مغوی بچے کو سرانان میں قتل کرنے کے بعد لاش جلادی تھی کیس کا مقدمہ پولیس تھانہ بروری روڈ میں درج کیاتھا۔