اسلام آباد(ثبوت نیوز)پاکستان پیپلزپارٹی نے سابق صدر آصف علی زرداری پر سابق وزیراعظم عمران خان کی جانب سے ’قتل کے منصوبے‘ کے الزام کی شدید مذمت کرتے ہوئے پاکستان تحریک انصاف (پی ٹی آئی) کے چیئرمین کو قانونی نوٹس
بھیجنے کا اعلان کردیا۔ اسلام آباد میں پیپلزپارٹی کے رہنما قمر زمان کائرہ نے نیئر بخاری اور فرحت اللہ بابر کے ہمراہ مشترکہ پریس کانفرنس کرتے ہوئے کہ عمران خان جب بھی مشکل اور ذہنی دباؤ کا شکار ہوتے ہیں
اپنی ناکامیوں کو اپنے مخالفوں پر ڈال کر وہ سنسنی خیزی پھیلاتے ہیں اور اداروں پر حملے کرتے ہیں۔انہوں نے کہا کہ عمران خان کی سیاست کی پوری تاریخ الزام تراشی پر گردش کرتی ہے
اس سے قبل بھی انہوں نے اپنے خلاف عالمی سازشوں کا پلندہ چھیڑا تھا۔قمر زمان کائرہ نے کہا کہ جب عمران خان پر وزیر آباد میں حملہ ہوا ہم نے کہا تھا کمیشن بنائیں، ان کی الزام تراشیوں کی مذمت کرتے ہیں، جب کئی
اداروں کے سربراہان عمران خان کو سپورٹ کرتے تو وہ ایک پیج تھا۔انہوں نے کہا کہ جب ادارے نیوٹرل ہو گئے تو عمران خان ان کے خلاف ان کے پیچھے پڑ گئے، ان کی سیاست جمہوری نہیں فاشسٹ سیاست ہے
انہوں نے ایک باقاعدہ الزام لگایا کہ ہماری قیادت نے دہشت گرد تنظیموں کو پیسے دیے جس میں اداروں کے لوگ شامل ہیں، یہ انتہائی گھناؤنا الزام ہے ۔سپریم کورٹ عمران خان کے بیان کا نوٹس لے اور تحقیقات ہونی چاہیے
پاکستان ڈیمو کریٹک موومنٹ (پی ڈی ایم) کے دور اقتدار میں کوئی سیاسی گرفتاری نہیں ہوئی جبکہ فواد چودھری کی گرفتاری الیکشن کمیشن کی درخواست پر ہوئی ہے۔اس موقع پر نیّر بخاری نے کہا کہ عمران خان کی الزام لگانے
کی روایت نئی نہیں، وہ آج تک الزامات کو ثابت نہیں کر سکا اور نہ کسی فورم پر گیا، وہ سیاسی طور پر مر چکا ہے، وہ ڈپریشن اور بوکھلاہٹ کا شکار ہے۔
انہوں نے کہا کہ بوکھلاہٹ میں عمران خان اداروں، الیکشن کمیشن، سابق آرمی چیف پر الزام لگاتا ہے، عمران خان کو لیگل نوٹس جاری کر رہے ہیں۔فرحت اللّٰہ بابر کا کہنا تھا کہ
عمران خان نے کہا کہ زرداری صاحب نے اسے قتل کرنے کے لیے دہشت گرد تنظیموں سے رابطہ کیا، اقتدار سے محروم ہو جانے کی وجہ سے ان کا ذہنی توازن خراب ہو گیا ہے۔
آصف زرداری پر ’قتل کے منصوبے‘ کا الزام: پیپلزپارٹی کا عمران خان کے خلاف قانونی کارروائی کا اعلان فواد چودھری کی گرفتاری سیاسی نہیں، الیکشن کمیشن کی درخواست پر ہوئی
