تہران/ کابل (ثبوت نیوز) ایران کے بعد افغانستان کے ایک سکول میں 60سے زائد طالبات کو زہر دیئے جانے کا انکشاف ہوا ہے جنہیں ہسپتال داخل کرادیاگیا ہے۔افغان پولیس کے مطابق افغانستان کے شمالی صوبے سر ے پل میں طالبات کے ایک سکول کو نشانہ بنایا گیا
جہاں پر ایک پولیس عہدیدار کے مطابق کچھ نامعلوم افراد سکول کی عمارت میں داخل ہوئے اور انہوں نے کلاس رومز میں زہریلا مواد پھیلا دیا۔ جب طالبات ان کمروں میں داخل ہوئیں تو ان کی طبیعت ناساز ہو گئی۔
پولیس عہدیدار کے مطابق تمام طالبات کو ہسپتال میں منتقل کر دیا گیا تھا اور ان تمام کی حالت بہتر ہے۔ ابھی تک اس واقعہ میں کسی فرد کی گرفتاری کی اطلاعات سامنے نہیں آئی۔اس سے قبل ہمسایہ ملک ایران میں بھی طالبات کے تعلیمی اداروں میں زہریلا مواد دینے کے واقعات رونما ہوئے تھے
جن سے تقریبا 13 ہزار طالبات متاثر ہوئی تھی۔افغان کی گزشتہ حکومتوں کے ادوار میں بھی طالبات کے سکولوں پر زہریلے مواد سے حملوں کے واقعات منظر عام پر آتے رہے ہیں
افغانستان میں طالبان کی جانب سے اقتدار سنبھالنے کے بعد سے خواتین کی اعلیٰ تعلیم کا موضوع تنازع کا شکار ہے۔ افغان حکومت کی جانب سے طالبات کی اعلیٰ تعلیم پر پابندی کے سبب کابل حکومت کو بین الاقوامی اداروں اور حکومتوں کی جانب سے تنقید کا نشانہ بنایا گیا ہے۔
ایران کے بعد افغانستان کے ایک سکول میں 60سے زائد طالبات کو زہر دیئے جانے کا انکشاف،ہسپتال داخل واقعہ کس طرح رونما ہوا مزید جاننے کیلئے لنک پر کلک کریں
