سیلاب اور بارشوں نےنصیرآباد میں بھی تباہی مچادی ہے کچے مکانات منہدم اور سیلابی ریلے آنے سے کئی افراد زندگی کی بازی بھی ہار گئے‘ محمد خان لہڑی‘ میر سکندر عمرانی

کوئٹہ(ثبوت نیوز)صوبائی وزیر اور اراکین اسمبلی نے کہا ہے کہ حالیہ بارشوں میں صوبے کے دیگر حصوں کی طرح نصیرآباد میں بھی تباہی مچادی ہے کچے مکانات منہدم اور سیلابی ریلے آنے سے کئی افراد زندگی کی بازی بھی ہار گئے

وفاقی حکومت سیلاب زدگان کیلئے خطیر رقم کا اعلان جبکہ صوبائی حکومت پورے نصیرآباد ڈویژن کو آفت زدہ قراردیا جائے‘یہ بات صوبائی وزیر ایری گیشن حاجی محمد خان لہڑی‘ پارلیمانی سیکرٹری برائے ریونیو میر سکندر علی عمرانی اور رکن صوبائی اسمبلی میر سلیم کھوسہ نے بارش اور سیلاب کے حوالے سے الگ الگ بیان جاری کرتے ہوئے کہی‘

انہوں نے کہاکہ قدرتی آفات اللہ تعالیٰ کی جانب سے ہے جو انسان کی بس میں نہیں ہے لیکن احتیاط کرنے سب انسانوں کی ذمہ داری ہے نصیرآباد میں حالیہ مون سون نے جو تباہی مچادی ہے وہ سب کے سامنے ہے اور اس وقت نصیرآباد ڈویژن کے تمام اضلاع زیادہ ترمتاثر ہوئے ہیں

صوبائی حکومت اور پی ڈی ایم اے نے جو اقدامات کیے ہیں اس سے متاثرین کی مشکلات تو کم ہوگئے لیکن زیادہ تراقدامات کرنے کی ضرورت ہے تاکہ عوام کو بروقت امداد مل سکیں انہوں نے کہاکہ اس سلسلے میں وفاقی حکومت پورے بلوچستان اور خاص کر نصیر آباد ڈویژن کیلئے خطیر رقم کا اعلان کریں

جبکہ صوبائی حکومت نصیرآباد ڈویژن کو آفت زدہ قراردیا جائے۔