لسبیلہ کی تقسیم انتظامیہ کی نہیں بلکہ یہ صرف بھوتانیوں اور اس کے چمچوں کیلئے بدعنوانی اور لوٹ مار کی تقسیم ہے ‘ جام کمال خان

لسبیلہ(ثبوت نیوز) بلوچستان عوامی پارٹی کے مرکزی صدر و سابق وزیر اعلیٰ بلوچستان جام آف لسبیلہ نواب جام کمال خان عالیانی نے اپنے بیان میں کہا ہے کہ لسبیلہ میں لوگ آج سے نہیں بلکہ صدیوں سے آباد ہیں

اور ادھر ہر قومیت کے لوگ ہیں جو پورے بلوچستان میں رہتے ہیں دھرتی کسی قومیت کا نام نہیں بلکہ ایک پہچان اور سائے کا نام ہے جس میں الحمد اللہ ہر قوم نہیں نہ صرف سایہ پایا بلکہ اپنی جان ومال عزت کا تحفظ بھی پایا

اس چادر میں جو ہاتھ ڈالے گا وہ نہ صرف اپنے لوگوں سے ادھر سب اقوام کے تحفظ کے معاملات میں ڈالے گے اور یہ میری بات سب ادھر ہر قوم کے لوگوں کو بتائیں

انہوں نے کہا کہ یہ انشاء اللہ تاریخ کا حصہ بنائیں گے کہ کس نے لسبیلہ کے ساتھ غداری کی اور کون ساتھ کھڑا رہا اور کون خاموش بن کر بیٹھے رہے نواب جام کمال خان عالیانی نے مزید کہا کہ وقت گزر جائے گا

اور ہر دن آج کی طرح نہیں ہو گا، جو غدار لوگ لسبیلہ کو توڑنے میں ملوث ہیں وہ بھی اسے دیکھیں گے ہمیں ان کے نام اور اس ضلع کے امن کو اپنے مالی فوائد کے لئے ختم کرنے کے لئے کردار کو یاد رکھا جائے گا

یہ انت ظامیہ کی تقسیم نہیں بلکہ یہ صرف بھوتانیوں اور اس کے چمچوں کے لئے بدعنوانی اور لوٹ مار کی تقسیم ہے جو انشاء اللہ کبھی کامیاب نہیں ہوسکے گی

اور اس کی دفاع کے لئے ایک انقلابی تحریک ہو گی۔