اسلام آباد (ثبوت نیوز)آئی ایس پی آر نے آرمی چیف جنرل قمر جاوید باجوہ اور ان کی فیملی کے اثاثوں سے متعلق سوشل میڈیا پر جاری کے گئے اعداد و شمار کو گمراہ کن قرار دے دیا۔آئی ایس پی آر کی جانب سے جاری بیان میں کہاگیا ہے کہ
گمراہ کن اعداد و شمار مفروضوں کی بنیاد پر بڑھا چڑھا کر پیش کیے گئے ہیں، ایک خاص گروپ نے نہایت چالاکی و بددیانتی کے ساتھ جنرل باجوہ کی بہو کے والد (سمدھی) اور فیملی کے اثاثوں کو آرمی چیف اور خاندان سے منسوب کیا ہے
یہ سراسر غلط تاثر دیا جا رہا ہے کہ یہ اثاثے آرمی چیف جنرل باجوہ کے چھ سالہ دور میں ان کے سمدھی کی فیملی نے بنائے۔یہ قطعی طور پر حقائق کے منافی اور کھلا جھوٹ اور بدنیتی پر مبنی ہے۔ترجمان کے مطابق آرمی چیف جنرل قمر جاوید باجوہ
ان کی اہلیہ اور خاندان کا ہر اثاثہ ایف بی آر میں باقاعدہ ڈکلیئرڈ ہے، آرمی چیف و خاندان باقاعدگی سے ٹیکس ریٹرن فائل کرتے ہیں۔آئی ایس پی آر نے واضح کیا کہ ہر شہری کی طرح آرمی چیف اور ان کی فیملی ٹیکس حکام کے سامنے اپنے اثاثہ جات سے متعلق جواب دہ ہیں۔
آئی ایس پی آر نے آرمی چیف اور انکی فیملی کے اثاثوں متعلق اعدادو شمار گمراہ کن قرار دیدیئے نہایت چالاکی و ددیانتی کے ساتھ جنرل باجوہ کی بہو کے والد اور فیملی کے اثاثوں کو آرمی چیف اور انکے خاندان سے منسوب کیا
