بلوچستان کے علاقے دکی میں کوئلے کان میں ایک اور واقعہ سامنے آگیا

دکی(ثبوت نیوز) کوئلے کی کان میں مٹی کا تودہ گرنے کے باعث کان کن پھنس گیا، کئی گھنٹے گزرنے کے باوجود مزدور کو ریسکیو نہ کیا جاسکا۔تفصیلات کے مطابق بلوچستان کے ضلع دکی میں واقع کوئلے کی کان میں کام کرنے والا مزدور مٹی کا تودہ گرنے کی وجہ سے گزشتہ گھنٹوں سے کان میں پھنسا ہوا ہے۔

جنرل سیکویٹری لیبر یونین کا کہنا ہے کہ کان کن رات 8 بجے سے پھنسا ہوا ہے اور کان کن کو نکالنے کےلیے دیگر کان کن مصروف ہیں۔جنرل سیکریٹری لیبر یونین مجید شاہ کا کہنا تھا کہ محکمہ مائنز حکام اور اہلکار کئی گھنٹے گزرنے کے باوجود تاحال غائب ہیں۔

جامشورو میں 4 مزدور کوئلے کی کان میں دب کر جاں بحق سندھ کے ضلع جامشورو کی تحصیل سیہون شریف کے قریب لاکھڑا کول مائنز میں 4 مزدور کوئلے کی کان میں دب کر جاں بحق ہوگئے تھے، حادثہ کان میں لفٹ مشین کی رسی ٹوٹنے کے باعث پیش آیا تھا۔