آئی ایم ایف کی دولت ممالک سے مالی امداد حاصل کرنے کی شرط حکومت نے آئی ایم ایف پروگرام کی بحالی میں تاخیر کے باعث پلان بی پرعملدرآمد شروع کردیا

اسلام آباد (ثبوت نیوز) آئی ایم ایف کی دولت ممالک سے مالی امداد حاصل کرنے کی شرط، حکومت نے آئی ایم ایف پروگرام کی بحالی میں تاخیر کے باعث پلان بی پرعملدرآمد شروع کردیا،معاشی ٹیم نے متبادل ذریعے سے فنڈز حاصل کرنے کیلئے پلان بی ترتیب دیا ہوا تھا

حکومت نے دوست ممالک سے نرم شرائط پر قرض لینے کیلئے رابطے شروع کردیئے ہیں،پاکستان کو جلد دوست ممالک کی طرف سے مثبت جواب ملنے کی امید ہے۔

ذرائع وزارت خزانہ کے مطابق سیکرٹری خارجہ ڈاکٹر اسد مجید خان چین سے اہم مذاکرات کیلئے بیجنگ پہنچ گئے ہیں جہاں پر چین سے جلد بقایا 80 کروڑ ڈالر اورمزید امداد فراہم کرنے پربات ہوگی

ذرائع نے بتایا ہے کہ چین سے جلد بقایا 80کروڑ ڈالر ملنے کی امید ہے سیکرٹری خارجہ وزیر خزانہ سے مل کر چین کیلئے روانہ ہوئے تھے۔ ذرائع کے مطابق حکومتی معاشی ٹیم نے آئی ایم ایف پروگرام بحالی میں تاخیر کے باعث پلان بی پر عملدرآمد شروع کردیاہے

حکومت نے دوست ممالک سے نرم شرائط پر قرض لینے کیلئے رابطے شروع کردیئے ہیں ذرائع نے مزید بتایا کہ حکومت نے سعودی عرب سے دو ارب ڈالر کیلئے بھی سفارتی کوششیں شروع کردی ہیں اس کے علاوہ یو اے ای سے بھی ایک ارب ڈالر حاصل کرنے کیلئے اہم میٹنگز ہورہی ہیں

سعودی عرب، قطر اوریو اے ای سے سفارتی سطح پر بات چیت کا سلسلہ بھی جاری ہے۔ ذرائع کاکہنا تھا کہ قطر نے پاکستانی حکومت کمپنیوں میں سرمایہ کاری کرنے میں دلچسپی ظاہر کی ہے۔ ذرائع کا کہنا تھا کہ دوست ممالک کے سفارتی حکام نے اپنی حکومتوں کوپاکستان کی صورتحال پر مفصل بریفنگ دے دی ہے

اورپاکستان کو جلد دوست ممالک کی طرف سے مثبت جواب ملنے کی امید ہے۔