فلسطینی ماسک پہنے مداح میچ کے دوران پچ پر کیوں آیا؟میچ کے دوران ایک مداح بھاگتا ہوا پچ کے بیچ و بیچ آکر کھڑا ہوا اور بھارتی بیٹر ویرات کوہلی کے سامنے کھڑا ہوگیا

احمد آباد(ثبوت نیوز)احمد آباد کے نریندرا مودی اسٹیڈیم میں ہندوستان اور آسٹریلیا کے درمیان آئی سی سی ورلڈ کپ 2023 کا فائنل اس وقت جاری ہے جہاں چند منٹوں کے لیے میچ کو روکنا پڑ گیا

میچ کے دوران ایک مداح بھاگتا ہوا پچ کے بیچ و بیچ آکر کھڑا ہوا اور بھارتی بیٹر ویرات کوہلی کے سامنے کھڑا ہوگیا، واضح رہے کے مداح کا چہرہ فلسطین کے جھنڈے والے ماسک سے ڈھکا ہوا تھا

جب کہ اس کے ہاتھ میں جھنڈا بھی موجود تھا۔یہ واقعہ میچ کے یہ واقعہ 14ویں اوور میں اس وقت پیش آیا،اور اس کے پچ پر پہنچتے ہی سکیورٹی نے آکر اس کو پکڑا اور میدان سے باہر لے گئے۔ واقعے کی مزید تفصیلات لکھتے ہوئے سماجی رابطے کی ویب سائٹ ایکس پر صارف نے تصویر شیئر کرتے ہوئے

لکھا کہ مداح نے ٹی شرٹ پہن رکھی تھی جس پر لکھا تھا فلسطین پر بمباری بند کرو اور اس کے ہاتھ میں فلسطین کا جھنڈا بھی تھا۔ یہاں تک کہ اس کے چہرے کے ماسک پر بھی فلسطین کا جھنڈا تھا۔اس حوالے سے ایک صارف نے تبصرہ کرتے ہوئے لکھا

کہ یقینا یہ اب ایک لمبے عرصے تک جیل میں رہنے والا ہے۔ایک اور صارف نے طنزیہ انداز میں لکھا ضرور اس کو جے شاہ نے اسپرنگ والا بیٹ دے کر بھیجا ہوگا۔ایک صارف نے لکھا منتظمین کے لیے کھلاڑیوں اور تماشائیوں کی حفاظت کو یقینی بنانا ضروری ہے

واضح رہے کہ آسٹریلیا کے خلاف پہلے بیٹنگ کرتے ہوئے بھارت کی 3 وکٹیں گرگئیں، 30 کے مجموعی اسکور پر پہلی وکٹ، دوسری وکٹ 76 اور تیسری وکٹ 81 کے مجموعی اسکور پر گرگئی

شبمن گل نے 7 گیندوں پر 4 رنز بنائے اور مچل اسٹارک کی گیند پر ایڈم زمپا کے ہاتھوں کیچ آٹ ہو گئے۔